Hamabost bat empresa Zulaibar ikastegian bilduko dira beren zerbitzuen eta lan eskaintzen berri emateko
Maiatzaren 10ean Arratiako haraneko lehen gazte enplegu azoka ospatuko da, eta bertan herritarrek lanpostuak eskaintzen dituzten eskualdeko empresa nagusiak ezagutzeko aukera izango dute. Ekitaldia goizeko 9:00etatik 14:00etara izango da Zulaibarko areto nagusian, Zeanurin. Hamabost entitate inguruk parte hartuko dute, eta bakoitzak gune propioa izango du informazioa emateko eta curriculumak jasotzeko.
Errota Fundazioak Arratiako Mankomunitatearekin eta Bizkaiko Foru Aldundiarekin batera antolatutako azokaren helburua enplegu-eskaera handiari erantzutea da eta, aldi berean, zonaldeko belaunaldi berrien talentua bereganatzea. Hala, enplegu iraunkorragoa sustatu nahi da.
Eskualdea plantilla handia duten enpresak izateagatik nabarmentzen da eta, gainera, Lanbideren arabera, %10 inguruko langabezi-tasa du, Bizkaiko txikienetakoa.
Hedabideek ere horren berri eman dute:
